पिंपरी, ता. २६ : ‘आम्ही पोलिसांना टीप देतो असे लोकांना का सांगतो,’ असे म्हणत एक तरुण आणि त्याच्या मित्रावर मोशीतील हवालदार वस्ती चौकात काही जणांनी हल्ला केला. पोलिसांनी याप्रकरणी चार जणांना अटक केली. हल्लेखोरांनी कोयता हवेत फिरवून दहशत निर्माण केली. या प्रकरणी विशाल वाव्हळ (रा. मरकळ, खेड) यांनी एमआयडीसी भोसरी पोलिस ठाण्यात फिर्याद दिली. त्यावरून पोलिसांनी राहुल लोहार (वय २७, रा. उरुळी कांचन), आकाश गायकवाड (वय २४, रा. मोशी), ऋतिक गायकवाड (वय २४, रा. चाकण), गणेश वहिले (वय २३) यांना अटक केली आहे. शिवतेज ठाकरे (वय २४, दोघे रा. डुडुळगाव) आणि एका अज्ञात तरुणावर गुन्हा दाखल करण्यात आला.
-----