पिंपरी, ता. २६ ः पी. के. इंटरनॅशनल इंग्लिश स्कूल मध्ये भोंडला साजरा करण्यात आला. प्राचार्या प्रो. डॉ. धनश्री सोनवणे यांच्या हस्ते देवीच्या मूर्तीची पूजा करण्यात आली. त्यानंतर शाळेतील सर्व महिलांच्या हस्ते महाआरती करण्यात आली. भोंडला (हादगा/भुलाबाई) हा महाराष्ट्रातील स्त्रियांचा एक पारंपरिक सामुदायिक खेळ आहे, जो विशेषतः नवरात्रीच्या काळात खेळला जातो. या उत्सवात कुमारिका एका पाटावर किंवा रांजणावर हत्तीचे चित्र काढून भोवती गोलाकार उभे राहतात. मग त्या एकत्र गाणी गातात आणि नृत्य करतात. ऐलमा-पैलमा गणेश देवा असे म्हणत शाळेतील सर्व महिलांनी भोंडल्याची गाणी म्हटली. गुजराती वेशभूषा परिधान करून त्यांनी उत्साहात दांडिया, गरबाचे सादरीकरण केले.
-----