पिंपरी, ता. २९ : दापोडी आणि कोथरूडमध्ये मेट्रोची केबल चोरी करणाऱ्या आंतरराज्य टोळीच्या म्होरक्याला पिंपरी चिंचवड गुन्हे शाखेच्या युनिट एकच्या पथकाने उत्तर प्रदेशातून अटक केली. दिलशाद अन्सारी (वय ३४, रा. बागपत, उत्तर प्रदेश) असे आरोपीचे नाव आहे. दापोडी मेट्रो स्थानकाजवळ केबल चोरीला गेल्याप्रकरणी दापोडी पोलिस ठाण्यात गुन्हा दाखल आहे. पोलिसांना तपासात एक व्यक्ती रात्रीच्या वेळी मेट्रो रेल्वे मार्गावर जाऊन तांब्याची वायर चोरत असल्याचे आढळले. पोलिसांनी त्याच्याबाबत सखोल माहिती घेऊन त्याला अटक केली. त्याच्याकडून दापोडी मेट्रो स्थानकातून चोरलेली तीनशे मीटर तांब्याची दोन लाख रुपये किमतीची वायर जप्त करण्यात आली. त्याने यापूर्वी कोथरूड मेट्रो स्थानकातून तांब्याची वायर चोरल्याचे मान्य केले.
--------------------------------