पिंपरी, ता. ३ ः माध्यमिक विद्यालय केशवनगर भाग, शाळा रावेत आणि रोटरी क्लब ऑफ वाल्हेकरवाडी यांच्या संयुक्त विद्यमाने महाराष्ट्रातील पूरग्रस्तांसाठी एक हात मदतीचा दिला आहे. ‘एक ओंजळ धान्य’ पूरग्रस्तांसाठी अंतर्गत विद्यार्थ्यांनी संकलित केले आहे.
दैनंदिन जीवनातील आवश्यक असलेल्या वस्तूही नाहीत, शाळेतील विद्यार्थ्यांचे दप्तरे वह्या पुस्तके सर्वकाही नदीने वाहून नेले आहे. त्यांना जमेल तशा वस्तू ज्वारी, बाजरी, गहू, कडधान्य, डाळी, मसाले, साखर अशा जीवनावश्यक वस्तू मोठ्या प्रमाणात संकलित करून रोटरी क्लब ऑफ वाल्हेकरवाडीला सपोर्ट केल्या. संसारोपयोगी साहित्य आणि अन्नधान्य वाहून गेले आहे. त्यांना एक मदतीचा हात म्हणून माध्यमिक विद्यालय केशवनगर आणि रोटरी क्लब ऑफ वाल्हेकरवाडी या दोन संस्थांनी मदतीचा हात दिलेला आहे.
रोटरी क्लब वाल्हेकरवाडीचे माजी अध्यक्ष गणेश बोरा, गोविंद जगदाळे, रामेश्वर पवार, सुभाष वाल्हेकर, वसंत ढवळे , संदीप भालके, दीपक भोंडवे, आर. एस. पवार, महेंद्र वानखेडे, पूजा रोकडे, प्रज्ञा उके, आरसिया शेख उपस्थित होते.