पिंपरी, ता. ५ : पिंपरी चिंचवड शहरातील स्वच्छता सेवकांचे आरोग्य चांगले राहण्यासाठी ‘सफाई मित्र सुरक्षा शिबिराचे’ आयोजन करण्यात आले. यावेळी सुमारे दोन हजार कर्मचाऱ्यांची तपासणी करण्यात आली.
या शिबिराचे उद्घाटन महापालिकेचे अतिरिक्त आयुक्त विजयकुमार खोराटे यांनी केले. स्व. शंकरराव गावडे कामगार भवन येथे आयोजित या शिबिरात रक्त तपासणी, ॲनिमिया, हिमोग्लोबिन, हृदयविकार, मधुमेह, कॅल्शियम, उच्च रक्तदाब आदींची तपासणी करून मोफत औषध वितरण करण्यात आले. यात नवीन थेरगाव, तालेरा, आकुर्डी, सांगवी, जिजामाता, यमुनानगर, भोसरी व वायसीएम रुग्णालयातील तज्ज्ञ डॉक्टरांनी तपासणी केली. यावेळी आरोग्य वैद्यकीय अधिकारी डॉ. लक्ष्मण गोफणे, उपायुक्त सचिन पवार, क्षेत्रीय अधिकारी किशोर ननवरे, डॉ. राजेंद्र फिरके, डॉ. लक्ष्मीकांत अत्रे, डॉ. संजय सोनेकर, डॉ. शंकर मोसलगी, सहाय्यक आरोग्य अधिकारी सुधीर वाघमारे, शांताराम माने, राजू साबळे, कुंडलिक दरवडे, महेश आढाव आदी उपस्थित होते.