पिंपरी, ता. ३ ः महाराष्ट्र राज्य औद्योगिक विकास परिषदेच्या वतीने देण्यात येणारा भारतरत्न जे. आर. डी. टाटा आणि उद्योगमहर्षी रतन टाटा पुरस्कार प्रदान सोहळा गुरुवारी होणार आहे.
चिंचवड येथील ऑटो क्लस्टर सभागृहात होणाऱ्या या सोहळ्यात महेश शिंदे (भारतरत्न जे. आर. डी. टाटा उद्योगरत्न पुरस्कार), वैशाली देशमुख (उद्योगमहर्षी रतन टाटा उद्योगरत्न पुरस्कार), दीपा भांदुर्गा (उद्योगमहर्षी रतन टाटा उद्योगसखी पुरस्कार), संतोष शिंदे (उद्योगमहर्षी रतन टाटा उद्योगभूषण पुरस्कार), पांडुरंग सुतार (भारतरत्न जे. आर. डी. टाटा उद्योगभूषण पुरस्कार), नवनाथ केदार (भारतरत्न जे आर डी टाटा युवा उद्योजक पुरस्कार) आणि समृद्धी ढमाले (भारतरत्न जे. आर. डी. टाटा युवा उद्योजिका पुरस्कार) यांना सन्मानित करण्यात येणार आहे. रयत शिक्षण संस्थेचे अध्यक्ष चंद्रकांत दळवी यांच्या हस्ते पुरस्कार प्रदान करण्यात येणार असून, आंतरराष्ट्रीय उद्योग सल्लागार सचिन ईटकर, टाटा मोटर्स लिमिटेडचे निवृत्त वरिष्ठ महाव्यवस्थापक मनोहर पारळकर, महाराष्ट्र राज्य औद्योगिक विकास परिषदेचे अध्यक्ष सुदाम भोरे यांची प्रमुख उपस्थिती राहील.