पिंपरी, ता. ४ : महाराष्ट्रातील मराठवाडा व पश्चिम महाराष्ट्रासह राज्यातील अनेक भागांमध्ये मुसळधार पावसाने थैमान घातले आहे. अतिवृष्टीमुळे मोठ्या प्रमाणावर शेतीचे नुकसान झाले असून शेतजमिनी वाहून गेल्या आहेत. नागरिकांची घरे पाण्यात वाहून गेली असून, जीवनावश्यक वस्तूंचा तुटवडा निर्माण झाला आहे. पशुधनही वाहून गेल्याने ग्रामीण भागात भीषण परिस्थिती निर्माण झाली आहे. या पार्श्वभूमीवर अतिवृष्टीग्रस्तांना मदत करण्यासाठी महापालिकेने पुढाकार घ्यावा, अशी मागणी विश्वरत्न डॉ. बाबासाहेब आंबेडकर व त्यागमूर्ती माता रमाई स्मारक समितीच्या वतीने करण्यात आली आहे. समितीचे निमंत्रक बाळासाहेब रोकडे, बापूसाहेब गायकवाड, दशरथ ठाणांबीर, संतोष जोगदंड, प्रकाश बुक्तर, तुकाराम गायकवाड आदीसह पदाधिकाऱ्यांनी केले.