सोमाटणे, ता. २४ ः दिवाळीच्या सुट्टीत चोरीची शक्यता असल्याने नागरिकांनी गावी जाताना सावध राहावे, मौल्यवान वस्तू घरी ठेवू नये, असे आवाहन शिरगाव पोलिसांनी केले आहे.
अनेक नागरिक, नोकरदार दिवाळीनिमित्त सुट्टी असल्याने घर बंद करून दिवाळी साजरा करण्यासाठी किंवा पर्यटनासाठी गावी तसेच पर्यटनस्थळी जातात. हीच संधी शोधून बंद घरे उघडून चोरीचे प्रकार केले जातात. अशा घटना टाळण्यासाठी नागरिकांनी बाहेरगावी जाताना मौल्यवान वस्तू घरी न ठेवता योग्य ठिकाणी ठेवावे, गावी जाताना शेजाऱ्यांना कल्पना द्यावी, शेजाऱ्यांनी सहकार्य करून सुरक्षेसाठी मदत करावी, अनोळखी व्यक्तीपासून सावध राहावे, प्रत्येक गावाने ग्राम रक्षक कमिटी स्थापन करून सुरक्षा रक्षकांच्या साहाय्याने गावात योग्य पहारा ठेवावा, अनुचित प्रकार आढळल्यास त्वरित शिरगाव पोलिसांना खालील क्रमांकावर संपर्क करावा, असे आवाहन वरिष्ट पोलिस निरीक्षक विशाल पाटील यांनी केले आहे.
9309557711, 838091919, 9960986535.