पिंपरी, ता. २७ : महापालिकेच्या सोमवारी (ता. २७) झालेल्या जनसंवाद सभेत ६८ तक्रार वजा सूचना प्राप्त झाल्या आहे. यात सर्वाधिक तक्रारी १९ या ‘ग’ क्षेत्रीय कार्यालयात प्राप्‍त झाल्‍या आहेत. तर ‘फ’ क्षेत्रीय कार्यालयात केवळ दोन तक्रारी प्राप्‍त झाल्‍या आहेत.

‘अ’,‘ब’, ‘क’, ‘ड’, ‘इ’, ‘फ’, ‘ग’ आणि ‘ह’ या आठही क्षेत्रीय कार्यालयात जनसंवाद सभा झाली. या वेळी नेमून दिलेल्या समन्वय अधिकाऱ्यांनी जनसंवाद सभेचे अध्यक्षपद भूषविले. जनसंवाद सभेत ‘अ’, ‘ब’, ‘क’, ‘ड’,‘इ’,‘फ’,‘ग’ आणि ‘ह’ या क्षेत्रीय कार्यालयात अनुक्रमे ५, १३, ३, १०, ६, १०, २ आणि १९ अशा एकूण ६८ तक्रारी वजा सूचना नागरिकांनी उपस्थित राहून मांडल्या. नागरिकांनी शहरातील वाहतूक कोंडी, अरुंद रस्ते, अवैद्य पद्धतीने लावलेले बॅनर, लहान मुलांसाठी खेळांचे मैदान, मोकाट कुत्र्यांचा बंदोबस्त, राष्ट्रीय महामार्गावर सणासुदीच्या काळात होणारी वाहतूक कोंडी, प्रत्येक प्रभागातील अंतर्गत रस्त्यांची दुरुस्ती सार्वजनिक स्वच्छतागृहांची स्वच्छता आदी तक्रार वजा सूचना जनसंवाद सभेत नागरिकांनी उपस्थित राहून मांडल्या.