पिंपरी, ता. २८ : ज्येष्ठ नागरिक संघ विकासनगर यांची साप्ताहिक सभा व दिवाळी पहाट कार्यक्रम संघाच्या सभासदांनी भाग घेऊन कार्यक्रमात रंगत आणली. महिला सभासदांनीदेखील यात उत्स्फूर्त सहभाग घेतला. यावेळी कार्यक्रमातून महाराष्ट्राच्या ग्रामीण संस्कृतीचे दर्शन उपस्थितांना घडले. अन्य काही सभासदांनी हिंदी, मराठी गाणी सादर केली. रवींद्र कदम, राजाभाऊ महाले यांनी कृष्ण-सुदामा भेटीचा प्रसंग सादर केला. यावेळी अध्यक्ष नानासाहेब डोईफोडे, रवी कुलकर्णी, महादेव चौधरी, कैलास येवले, पी. वी. आर्या यांनी नियोजन केले. नीलेश तरस यांनी संघाला ध्वनिवर्धक यंत्रणा सुपूर्द केली.