पिंपरी,ता. ३० ः प्राधिकरण निगडी येथील रंगभ्रमंती कलादालनात डॉ. माया भालेराव यांच्या ‘फ्लोरल’ या जलरंग चित्र प्रदर्शनाचे नुकतेच उद्घाटन झाले.
यावेळी चित्रकार चिंतामणी हसबनीस यांची प्रमुख उपस्थिती होती. तसेच आंतरराष्ट्रीय कीर्तीचे जलरंग चित्रकार प्रफुल्ल हुडेकर व अनिल वर्गिस डॉ. दिलीप कामत, डॉ. ललितकुमार धोका, डॉ. संजीवकुमार पाटील, डॉ. गणेश भोईर यांचीही उपस्थिती होती. ‘फुलं म्हणजे निसर्गाची नाजूक कविता आहे. रंग आणि भावना जेव्हा एकत्र येतात, तेव्हा एक वेगळं कलाजगत जन्म घेते. या प्रदर्शनातून असंच काही उमटलं आहे.’ असे डॉ. माया भालेराव मनोगत व्यक्त करताना म्हणाल्या. नियोजन व आभार प्रदर्शन डॉ. सुधीर भालेराव यांनी केले. २६ ऑक्टोबर ते २ प्रदर्शनातून जमा होणारा निधी हे मेळघाटातील आदिवासी लोकांच्या वैद्यकीय इलाजासाठी देण्यात येणार आहे.