सोमाटणे, ता. ७ : पावसाने उघडीप दिल्याने पवनमावळ परिसरात भात कापणीच्या कामाला वेग आला असून मजुरांच्या तुटवड्याची समस्या निर्माण झाली आहे.
दिवाळीनंतर मावळातील शेतकरी पारंपरिक पद्धतीने भात कापणीला सुरुवात करतात. मात्र, यावर्षी परतीच्या पावसाने वेग घेतल्यामुळे अनेक शेतकऱ्यांना कापणी थांबवावी लागली होती. जोरदार पावसामुळे काही शेतांमधील भात खाली पडून खराब झाला, तर उभा असलेले भात पीक पावसाने खराब होण्याच्या भीतीने शेतकऱ्यांनी कापणी थांबवली केली होती. परंतु गेल्या चार दिवसांपासून पावसाने उघडीप दिल्याने शेतकरी वर्गाने पुन्हा भात कापणीला सुरुवात केली आहे. मात्र, सर्व शेतकऱ्यांनी एकाचवेळी कापणी सुरू केल्याने सध्या मजुरांचा तुटवडा निर्माण झाला आहे. मजूर उपलब्ध नसल्याने भात कापणीची कामे लांबणार असून, त्यामुळे पुढील पीक ज्वारी, हरभरा, गहू, वाटाणा आणि मसूर पेरणीस उशीर होण्याची शक्यता शेतकऱ्यांनी व्यक्त केली आहे.
‘‘पावसाने उघडीप दिल्याने सर्वांनी एकाचवेळी भात कापणी सुरू केली आहे. त्यामुळे मजुरांचा तुटवडा जाणवत आहे. मात्र, भात कापणी यंत्र आल्यावर ही समस्या काही प्रमाणात सुटेल.
- बाळासाहेब गायकवाड, शेतकरी, कुसगाव
PNE25V65910
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.