सकाळ इम्पॅक्ट
सकाळ वृत्तसेवा
पिंपरी, ता. १० ः गोपीनाथ मुंडे चौकातील रस्त्यावर घाण पाणी सोडणाऱ्या खाजगी वॉशिंग सेंटरवर महापालिकेच्या आरोग्य विभागाने दंडात्मक कारवाई केली. भविष्यात वॉशिंग सेंटरमधून पाणी पुन्हा रस्त्यावर आल्यास कठोर कारवाई करण्याचा इशाराही प्रशासनाने दिला.
याबाबत ‘सकाळ’ने वॉशिंग सेंटरचे पाणी थेट रस्त्यावर’ या मथळ्याखाली मंगळवारीच वृत्त प्रसिद्ध केले होते. प्रशासनाने संबंधित वॉशिंग सेंटरच्या चालकाला वेळोवेळी नोटीस बजावली होती. तेथील घाण पाणी थेट निगडी-तळवडे रस्त्यावर येत होते. त्यामुळे चौकात बरेच पाणी साचून दुचाकी घसरून अपघात होत होते. त्यानंतरही चालकाने कोणत्याही उपाययोजना न करता घाण पाणी रस्त्यावर सोडणे सुरुच ठेवले. चौकात बाराही महिने पाणी असायचे. त्यामुळे नागरिकांना पाण्यातून रस्ता ओलांडतानाही तारेवरची कसरत करावी लागत होती. पदपथावरून जाणाऱ्या नागरिकांच्या अंगावर पाणी उडत होते. यानंतर पालिकेच्या अधिकाऱ्यांनी प्रत्यक्ष चौकात जाऊन तपासणी करून कारवाई केली.
---
रस्त्यावर घाण पाणी सोडणाऱ्या वॉशिंग सेंटरवर दंडात्मक कारवाई केली आहे, तसेच घाण पाणी पुन्हा रस्त्यावर सोडू नये अशा सक्त सूचना दिल्या आहेत. दंडात्मक कारवाईनंतरही जर पाणी रस्त्यावर आले तर वॉशिंग सेंटर थेट सील केले जाईल.
- अतुल पाटील, क्षेत्रीय अधिकारी, ‘फ’ विभाग कार्यालय
-----
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.