तळेगाव दाभाडे

तळेगाव स्टेशन : तळेगाव स्टेशनच्या दक्षिण उत्तर प्रवेशद्वारासमोर लावल्या जात असलेल्या दुचाकी आणि अवैध प्रवासी वाहतूक करणाऱ्या रिक्षांच्या कोंडमाऱ्यामुळे स्थानकातून बाहेर पडताना प्रवाशांना तारेवरची कसरत करावी लागते. गाडी चुकू नये म्हणून धावत पळत येणाऱ्या प्रवाशांना यामुळे अडखळत चालावे लागते. स्थानकात अधूनमधून भटक्या कुत्र्यांचा वावर फलाटावर दिसतो. चकाचक स्थानकाच्या प्रतीक्षागृहाचे कोपरे आणि फलाटांलगतच्या अडगळीच्या जागांवर पिचकाऱ्या मारल्याचे दिसून येते. रात्री आणि कमी गर्दीच्या वेळी फलाटावर अस्वच्छता पसरवली जात असल्याचे प्रवाशांनी सांगितले.
--------
लोहमार्ग ओलांडण्यासाठी पादचारी पूल उभारल्यास दुतर्फा ये-जा करणाऱ्या स्थानिकांचा वेळ वाचेल. फलाटावरील प्रवाशांची गर्दी टाळण्यासाठी मुंबईच्या धर्तीवर, पुणे-लोणावळा मार्गावरील सध्याच्या १२ डब्याच्या लोकल गाड्या १५ डब्यांच्या कराव्यात. उपलब्ध सुविधांमध्ये सुधारणा होत होत आहे. मात्र, प्रवाशांनी देखील सुविधांचा विनियोग करीत स्टेशन स्वच्छ ठेवावे.
- यश हंबीर, प्रवासी

तळेगाव स्टेशन : तळेगाव रेल्वे स्थानकाच्या फलाटावरील दृश्य. प्रवेशद्वारासमोर लावलेल्या दुचाकी आणि रिक्षांमुळे प्रवाशांचा खोळंबा होतो.
---------
स्थानकाचे नाव - तळेगाव दाभाडे
- स्थानकात रेल्वे सुरक्षा बलाचे (आरपीएफ) जवान आहेत का - हो
- स्थानकात लोहमार्ग पोलिस (जीआरपी) आहेत का - हो
- स्थानकात मद्यपी, भिकारी यांचा वावर होता का - नाही
- स्थानकात अनधिकृत विक्रेते आहेत का ? - नाही
- स्थानकाबाहेर रिक्षांची गर्दी आणि अनधिकृत पार्किंग होते का - हो
- प्रवासी रेल्वे रूळ ओलांडून जातात का - हो
- स्थानकात प्राथमिक सुविधा आहेत का - हो
- स्वच्छता आहे का - हो
-----