पिंपरी
------------

पिंपरी ः पिंपरी रेल्वे स्थानकात प्रवाशांना बसण्यासाठी असलेल्या बाकांवर मद्यपी, भिकारी झोपलेले असतात. त्यामुळे बऱ्याच वेळा नागरिकांना बसण्यासाठी जागा नसते. रेल्वे प्रशासनाकडून यांच्यावर कोणतीही कारवाई होताना दिसत. स्थानकात प्रवाशांसाठी स्वयंचलित जिना बसविण्यात आला आहे. पण, मागील अनेक महिन्यांपासून तो बंद असल्याचे प्रवाशांनी सांगितले. शौचालय अस्वच्छ आहे. पाणपोई तंबाखू आणि गुटख्याच्या पिचकाऱ्यांनी घाण केलेली आहे. मुख्य प्रवेशद्वारावर दुचाकी वाहने पार्किंग केलेल्या असतात. स्थानकाबाहेर अनधिकृत विक्रेते आहेत. त्यामुळे प्रवेश करताना आणि बाहेर पडताना नागरिकांची दमछाक होते. त्यांच्यावर महापालिकेकडून कारवाई होताना दिसत नाही.
------
पिंपरी रेल्वे स्थानकातील हा सर्वात कळीचा प्रश्‍न म्हणजे स्थानकातील मद्यपींचा मोठ्या प्रमाणात वावर. त्यांना ना रेल्वे पोलिस बाहेर काढत ना प्रशासन. मद्यपींमुळे महिलांना असुरक्षित वाटते. रेल्वे प्रशासनाने याची दखल घ्यावी.
- रूपाली पाटील, प्रवासी
-----
स्थानकाचे नाव - पिंपरी
- स्थानकात रेल्वे सुरक्षा बलाचे (आरपीएफ) जवान आहेत का ? - नाही 
- स्थानकात लोहमार्ग पोलिस (जीआरपी) आहेत का ? - हो 
- स्थानकात मद्यपी, भिकारी यांचा वावर होता का? - हो 
- स्थानकात अनधिकृत विक्रेते आहेत का ? - नाही 
- स्थानकाबाहेर रिक्षांची गर्दी आणि अनधिकृत पार्किंग होते का ? हो 
- प्रवासी रेल्वे रूळ ओलांडून जातात का ? हो 
- स्थानकात शौचालय या सारख्या प्राथमिक सुविधा आहेत का ? - हो 
- स्वच्छ्ता आहे का ? - नाही 
----------