पिंपरी, ता. १४ : स्वातंत्र्य दिनानिमित्त मेडिकव्हर हॉस्पिटल्सने विशेष मल्टिस्पेशालिटी हेल्थ पॅकेज जाहीर केले आहे. देशाला १९४७ मध्ये स्वातंत्र्य मिळाले, त्या वर्षाचा सन्मान राखत पॅकेजची रक्कम १,९४७ रुपये इतकी ठेवण्यात आली आहे.
या पॅकेजमध्ये कार्डिओलॉजिस्ट, जनरल फिजिशियन, गायनॅकॉलॉजिस्ट, ऑर्थोपेडिक स्पेशालिस्ट आणि जनरल सर्जन यांच्याकडून मोफत सल्ला दिला जाईल. सर्व डायग्नॉस्टिक तपासण्यांवर ५० टक्के सवलत आहे. हे विशेष पॅकेज फक्त १५ ऑगस्ट २०२५ रोजी पुण्यातील सर्व मेडिकव्हर हॉस्पिटल्समध्ये उपलब्ध असेल.
याबाबत डॉ. रवींद्र कुलकर्णी म्हणाले, ‘‘स्वातंत्र्य दिन हा स्वातंत्र्याचा उत्सव आहे आणि चांगले आरोग्य हीच खरी जीवनाची पायाभरणी आहे. १९४७ रुपयांचे पॅकेज आपल्या स्वातंत्र्य वर्षाला दिलेली प्रतीकात्मक मानवंदना आहे. नागरिकांनीही प्रतिबंधात्मक आरोग्य तपासण्यांना प्राधान्य द्यावे. हा उपक्रम मेडिकव्हर हॉस्पिटल्सच्या दर्जेदार आरोग्यसेवा अधिक सुलभ करण्याच्या बांधिलकीचे प्रतीक आहे. तसेच पुणेकरांना योग्य वेळी आरोग्य तपासण्या करून निरोगी जीवनाकडे पाऊल टाकण्यासाठी प्रोत्साहित करणारा आहे.’’
---