पिंपरी : बेकायदारित्या गांजा बाळगल्याप्रकरणी एकाला रावेत पोलिसांनी अटक केली. ही कारवाई पुनावळे येथे करण्यात आली. छोटेलाल विश्वंभरनाथ बिंद (वय २३, रा. गायकवाड नगर, पुनावळे) असे अटक केलेल्या आरोपीचे नाव आहे. या आरोपीकडून पोलिसांनी २६ हजार ३०० रुपयांचा गांजा जप्त केला.
ज्येष्ठ नागरिकाची फसवणूक
पिंपरी : पॉलिसीचा हप्ता भरण्याबाबतचा खोटा मैसेज पाठवून ज्येष्ठ नागरिकाची फसवणूक केल्याप्रकरणी अज्ञात आरोपींवर गुन्हा दाखल झाला आहे. हा प्रकार चिंचवड येथे घडला. याप्रकरणी चिंचवड येथील ६२ वर्षीय नागरिकाने निगडी पोलिस ठाण्यात फिर्याद दिली आहे. त्यानुसार पोलिसांनी सुनील कुमार नावाच्या व्यक्तींसह इतर अज्ञात आरोपींवर गुन्हा दाखल केला आहे. फिर्यादीच्या व्हॉट्सअॅपवर पॉलिसीचा हप्ता भरण्याबाबतचा खोटा मैसेज पाठवून फिर्यादीला १५ लाख ३३ हजार रुपये भरण्यास भाग पडून त्यांची फसवणूक केली.
मारहाणप्रकरणी एकावर गुन्हा
पिंपरी : किरकोळ कारणावरून तरुणाला मारहाण केल्याप्रकरणी एकावर गुन्हा दाखल झाला आहे. ही घटना बावधन येथे घडली. याप्रकरणी अभिजित दत्तात्रय येनपुरे (रा, कोथरूड) यांनी बावधन पोलिस ठाण्यात फिर्याद दिली आहे. त्यानुसार पोलिसांनी अतुल व्ही. केसवड (वय ३५, रा. बावधन) याच्यावर गुन्हा दाखल केला आहे. आरोपीने फिर्यादीला कमरेच्या बेल्टने मारहाण करून जखमी केले.
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.