पुणे, ता. १६ ः रिमझिम बरसणारा पाऊस, निसर्गाचे खुललेले सौंदर्य अन् सणांची रेलचेल, अशा प्रसन्न करणाऱ्या वातावरणात ‘सकाळ श्रावणसरी’ या कार्यक्रमाचे आयोजन करण्यात आले आहे. मंगळवारी (ता. १९) दुपारी २ ते ५ या वेळेत पिंपळे-गुरव येथील निळू फुले सभागृहात होणाऱ्या या कार्यक्रमात मंगळागौर स्पर्धेसह अनेकविध स्पर्धा व मनोरंजक कार्यक्रमांची पर्वणी महिलांना मिळणार आहे.
महिलांच्या कलागुणांना प्रोत्साहन मिळावे, त्यांना स्वतःला व्यक्त करण्यासाठी एक व्यासपीठ उपलब्ध व्हावे, यासाठी ‘सकाळ’तर्फे दरवर्षी ‘सकाळ श्रावणसरी’ या उपक्रमाचे आयोजन केले जाते. या उपक्रमाचे यंदाचे हे चौथे वर्ष आहे. फॅशन, नावीन्य आणि धमाल यांची सांगड घालणारा हा अनोखा सोहळा आहे. हा सोहळा सर्वांसाठी खुला आहे.
या कार्यक्रमासाठी ‘एचडीएफसी म्युचअल फंड’ हे प्रायोजक आहेत. तसेच, गोदरेज, इंडियन ऑइल, महाराष्ट्र प्रदूषण नियंत्रण मंडळ, सोसायटी टी, केसरी ट्रॅव्हल्स, ‘रिसर्च आयु’ हे सहयोगी प्रायोजक असून ‘तनिष्का’चे विशेष सहकार्य लाभले आहे. या पारंपारिक सोहळ्यात मंगळागौर स्पर्धा, श्रावण क्वीन (पाने, फळे, फुले, भाज्या यांचा साज), ‘सोसायटी टी टाइम-मी टाइम स्पर्धा, ‘मी पर्यावरण सखी’ स्पर्धा, सुगरण पाककला स्पर्धा यांसह गाणी, नृत्य आणि बक्षिसांची लयलूट असणार आहे.
या कार्यक्रमात सहभागी होण्यासाठी नावनोंदणी आवश्यक आहे. नावनोंदणीसाठी रमेश मोरे यांच्याशी ८८८८२८२७८२
या क्रमांकावर संपर्क साधावा. अधिकाधिक महिलांनी या कार्यक्रमात सहभागी व्हावे, असे आवाहन ‘सकाळ’ने केले आहे.
----
‘सकाळ श्रावणसरी’ कार्यक्रम ः
कधी : मंगळवार (ता. १९)
केव्हा : दुपारी २ वाजेपासून
कुठे : निळू फुले सभागृह, पिंपळे-गुरव