पिंपरी, ता. २० : कन्या विद्यालयात भारतरत्न डॉ. ए. पी. जे. अब्दुल कलाम यांचा १५ ऑक्टोबर हा जन्मदिवस वाचन प्रेरणा दिन म्हणून साजरा करण्यात आला. यावेळी प्राची खेडेकर व शिवानी बोरुडे या विद्यार्थिनींनी डॉ. अब्दुल कलाम यांच्या कार्याचा गौरव करणारे प्रेरक भाषणे केली. ग्रंथपाल बाबासाहेब पानढवळे यांनी डॉ. अब्दुल कलाम यांचे जीवनकार्य तसेच वाचन प्रेरणा दिनाचे महत्त्व सांगितले. उपशिक्षिका मोनल रावल यांनी डॉ. अब्दुल कलाम यांच्या आदर्श जीवनातून प्रेरणा घेण्याचे आवाहन केले. मुख्याध्यापिका सुवर्णा परदेशी यांनी डॉ. अब्दुल कलाम यांच्या ‘अग्निपंख’ या पुस्तकातील विचार मांडले. ज्येष्ठ शिक्षिका सुषमा करांडे यांनी आभार मानले.