पिंपरी, ता. २१ ः यमुनानगर सहयोग फौंडेशनतर्फे वनवासी बांधवांना दिवाळी फराळ, महिलांना साड्या, आकाशकंदील वाटप करण्यात आले. हिंजवडी आयटीपार्कपासून सुमारे तीस किलोमीटर अंतरावर असलेल्या टेमघर धरणाजवळील लव्हार्डे, आंदगाव, वातुंडे, भोडे, वांजळे या दुर्गम भागात हा उपक्रम राबविण्यात आला. गेल्या १८ वर्षांपासून हा उपक्रम राबविण्यात येत आहे. या उपक्रमात नंदकुमार (अप्पा) कुलकर्णी, धनाजी शिंदे, यमुनानगर ज्येष्ठ नागरिक संघाचे अध्यक्ष गजानन ढमाले, अजय म्हाळस, श्री शनेश्वर प्रतिष्ठानचे गोपाळ मुरकुटे, केशव पवळे आदींनी भाग घेतला.
-----