मार्गशीर्ष शुद्ध षष्ठी ही तिथी चंपाषष्ठी म्हणून साजरी केली जाते. बुधवारी (ता. २६) चंपाषष्ठी उत्साहात साजरी करण्यात आली. जेजुरीला हा उत्सव भक्तिभावाने साजरा केला जातो. तसेच या दिवशी वांग्याचे भरीत, कांद्याची पात आणि भाकरी यांचा नैवेद्य करून खंडोबा देवाला दाखवितात. खंडोबाची पूजा शेतकऱ्यांचे दैवत म्हणून केली जाते. शहरातील आकुर्डी येथील चंपाषष्ठीनिमित्त खंडोबा मंदिराला जत्रेचे स्वरूप आले होते. दर्शनासाठी नागरिकांनी सकाळपासूनच गर्दी केली होती. लहान मुले, नवीन लग्न झालेले जोडपे ते ज्येष्ठ नागरिकांनी मनोभावे खंडोबा देवाचे दर्शन घेऊन भंडारा उधळून तळी भरली. तसेच महिलांनी नैवेद्य दाखवला. त्याची ही चित्रमय झलक.