पिंपरी, ता. २७ ः तथागत बहुउद्देशीय सामाजिक संस्थेच्या वतीने नवी सांगवीतील मराठी प्राथमिक शाळेतील विद्यार्थ्यांनी भारतीय संविधानाच्या उद्देशिकेचे सामूहिक वाचन केले. संस्थेतर्फे विद्यार्थ्यांना नवीन कपडे व पेन वाटप करण्यात आले.
कार्यक्रमाचे प्रमुख पाहुणे राष्ट्रसंत तुकडोजी महाराज नागपूर विद्यापीठाचे माजी कुलगुरू डॉ. एस. एन. पठाण होते. तर अध्यक्षस्थानी जालिंदर सरवदे होते. मुख्याध्यापिका कल्पना सोनवणे, संयम निकाळजे, सुखदेव चोरमले, रवींद्र पारघे, मुरलीधर दळवी, कृष्णा शिंदे आदी उपस्थित होते.
प्रास्ताविक नारायण भागवत यांनी केले. सूत्रसंचालन संतोष नवले यांनी केले. आभार मगन सावंत यांनी मानले.