पिंपरी, ता. २८ : वाचकांच्या आवडीचे दैनिक ‘सकाळ’ पिंपरी चिंचवड कार्यालय दिमाखाने ३४व्या वर्षात पदार्पण करीत आहे. तीन दशकांचा स्नेह, ओढ नावीन्याची आणि घराघरांत, मनामनांत आतुरता अशी ‘सकाळ’ची ओळख राहिली आहे. हा स्नेह आणखी वृद्धिंगत होण्यासाठी ‘सकाळ’ने ३३व्या वर्धापनदिनानिमित्त शनिवारी (ता. २९) स्नेहमेळावा आयोजित केला आहे. त्यास आपली उपस्थिती प्रार्थनीय आहे.
‘सकाळ’च्या वर्धापन दिनानिमित्त वाचक, जाहिरातदार, विक्रेते आणि हितचिंतकांचा स्नेहमेळावा शनिवारी (ता. २९) सायंकाळी ५.३० वाजता चिंचवड येथील प्रा. रामकृष्ण मोरे प्रेक्षागृह प्रांगणात साजरा होणार आहे. त्यावेळी वाचकांच्या मांदियाळीत सहभागी होण्यासाठी आम्ही सज्ज आहोत, आपण सुद्धा नक्की यावे, हे आग्रहाचे निमंत्रण ‘सकाळ’ परिवार देत आहे. कारण, ‘सकाळ’सोबतचे आपले विश्वासाचे नातं आणि तीन दशकांचा आपला स्नेह अधिक वृद्धिंगत करायचा आहे. लाखो वाचकांची ‘सकाळ’ ज्याच्या वाचनामुळे खऱ्या अर्थाने उल्हासित होते, तो म्हणजे आपला सर्वांचा ‘सकाळ’ आहे. म्हणूनच आपल्याशी संवाद साधायला, त्यासाठी भेटूयात शनिवारी सायंकाळी प्रेक्षागृहाच्या प्रांगणात. पण, पुष्पगुच्छ आणू नये, ही आग्रहाची नम्र विनंती.

काय? कुठे? कधी? केव्हा?
काय? : सकाळ, पिंपरी कार्यालय ३३ वा वर्धापनदिन
कुठे? : प्रा. रामकृष्ण मोरे प्रेक्षागृह प्रांगण, चिंचवड
कधी? : शनिवार, ता. २९ नोव्हेंबर २०२५
केव्हा? : सायंकाळी ५.३० ते ८.३० वा.
---