पिंपरी, ता. ३० : राज्य सरकारने आशा स्वयंसेविकांच्या मानधनात वाढ केली आहे. आता महापालिका हद्दीतील सेविकांना बोनस देण्याचा प्रस्ताव आयुक्तांनी मान्य केला आहे. या निर्णयाचे स्वागत करण्यासाठी आशा स्वयंसेविकांनी आचार्य अत्रे रंगमंदिर येथे आनंदोत्सवाचे आयोजन केले.
महाराष्ट्र राज्य गटप्रवर्तक व आशा स्वयंसेविका संघाच्या वतीने विविध मागण्यांसाठी आमरण उपोषण, पदयात्रा काढून आंदोलन केले आहे. कृती समितीच्या वतीने ५३ दिवस आझाद मैदान येथे राज्यव्यापी संप केला. त्याची दखल घेत राज्य शासनाने मानधनात पाच हजार रुपये वाढ केली. तसेच २०२५ मध्ये संघटनेच्या वतीने महापालिका आरोग्य प्रशासनाकडे बोनसची मागणी केली होती. त्यावर पालिका आयुक्तांनी तसा निर्णय घेतला होता. त्यानिमित्त आयोजित मेळाव्यास महापालिका आरोग्य विभागाचे अनेक अधिकारी, कर्मचारी उपस्थित होते.