पिंपरी, ता. १ : काव्यात्मा साहित्य परिषदेच्या वतीने आयोजित करण्यात आलेले निमंत्रित कवींचे काव्यसंमेलन उत्साहात पार पडले. यावेळी सहभागी कवींनी विविध विषयांवर काव्यरचना सादर केल्या.
कवी राजेंद्र वाघ, मदन देगावकर, डॉ. महादेव रोकडे, आत्माराम हारे, अनिल नाटेकर, बाबू डिसुजा, दीपक अमोलिक, अमित किशोर केदारी, लक्ष्मण शिंदे, धनंजय इंगळे, मिलिंद शेंडे, आनंद गायकवाड, प्रशांत पाटोळे, अरुण घोडके, मच्छिंद्र झुरुंगे, संभाजी रणसिंग, विजय जाधव, प्रतिमा काळे, योगिता कोठेकर, मेहमुदा शेख, सुनीता घोडके या कवींचे बहारदार काव्य सादरीकरण झाले.
पिंपळे गुरव येथील मराठवाडा जनविकास संघ येथे पार पडलेल्या या कार्यक्रमात ज्येष्ठांना पुरस्कार देऊन गौरविण्यात आले. कार्यक्रमाचे अध्यक्ष कामगारभूषण राजेंद्र वाघ यांच्या हस्ते या पुरस्काराचे वितरण करण्यात आले. महाराष्ट्र कामगार परिषदेचे अध्यक्ष पुरुषोत्तम सदाफुले, अरुण पवार, मदन देगावकर, शिवव्याख्याते संदीप तापकीर, ज्येष्ठ साहित्यिक डॉ. प्रा. महादेव रोकडे, आप्पा कसबेकर यावेळी उपस्थित होते. कार्यक्रमाचे सूत्रसंचलन प्रतिमा काळे व अनिल नाटेकर यांनी केले. प्रास्ताविक आत्माराम हारे यांनी, तर आभार दादाभाऊ ओव्हाळ यांनी मांडले.