पिंपरी, ता. ६ : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त पिंपरी चिंचवड महापालिकेच्या वतीने अभिवादन करण्यात आले. महापालिका भवन, भीमसृष्टी पिंपरी चौक, हिंदुस्थान अँटिबायोटिक्स कंपनी येथील पुतळ्यास अतिरिक्त आयुक्त तृप्ती सांडभोर यांनी पुष्पहार अर्पण केला. या वेळी उपयुक्त अण्णा बोदडे, जनता संपर्क अधिकारी प्रफुल्ल पुराणिक, उपअभियंता आकाश ठोकळ, प्रकाश भुक्तर, मुकेश जगताप, शाम सोनवणे आदी उपस्थित होते. दापोडी येथील कार्यक्रमात उपायुक्त अण्णा बोदडे यांनी भारतरत्न डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन केले. या वेळी पोलिस उपनिरीक्षक राजीव भास्कर आदी उपस्थित होते.
---