पिंपरी, ता. १४ : ‘जीवनात वाटचाल करताना काय चांगले आणि काय वाईट हे नेमकेपणाने कळण्यासाठी भगवद्गीतेचे वाचन आवश्यक आहे. तसेच आजच्या धकाधकीच्या काळात मानसिक शांतता मिळविण्यासाठी गीतेचे नियमित वाचन नियमित करावे,’ असे प्रतिपादन भाग्यश्री गोखले यांनी केले. पिंपळे सौदागर येथील लिनियर गार्डन परिसरात श्री संत ज्ञानेश्वर ब्राह्मण संस्थेचा मासिक मेळावा नुकताच झाला. यावेळी त्यांनी व्याख्यान दिले. संस्थेचे अध्यक्ष विलास जोशी, सदस्य डॉ. विलास भाले यांच्यासह नागरिक उपस्थित होते. नवी दिल्लीत पार पडलेल्या आंतरराष्ट्रीय कृषी परिषदेत ‘जीवनगौरव’ पुरस्काराने सन्मान झाल्याबद्दल डॉ. भाले यांचा विशेष सत्कार करण्यात आला. आगामी महापालिका निवडणुकीच्या पार्श्वभूमीवर सुप्रिया पाटील यांनी आपले मनोगत व्यक्त केले. प्रास्ताविक आणि सूत्रसंचालन संस्थेच्या उपाध्यक्षा स्नेहा चिंचवडकर यांनी केले.
.................