पिंपरी, ता. १८ : पिंपरी चिंचवड महानगरपालिका शिक्षण मंडळ समितीचे माजी सदस्य शिरीष विश्रामराव जाधव (वय ७३) यांचे बुधवारी (ता. १७) निधन झाले. राष्ट्रवादी काँग्रेस शरदचंद्र पवार पक्षाचे ज्येष्ठ नेते अशी त्यांची ओळख होती. १० जून १९९९ रोजी राष्ट्रवादी काँग्रेस पक्ष स्थापन झाल्यापासून त्यांनी पिंपरी चिंचवड शहर सरचिटणीस म्हणून पक्षाचे काम पाहिले. सुरवातीच्या काळात काँग्रेसचे दिवंगत नेते प्रा. रामकृष्ण मोरे व त्यानंतर राष्ट्रवादी काँग्रेसची स्थापना झाल्यानंतर ज्येष्ठ नेते आझम पानसरे यांचे ते निकटवर्तीय होते. पानसरे यांनी २०१२ ते २०१७ या काळात महापालिका शिक्षण मंडळ समितीच्या सदस्यपदी त्यांची निवड केली होती. त्यांच्या पश्चात पत्नी, एक मुलगी, एक भाऊ आणि एक विवाहित बहिण असा परिवार आहे.
-----