पिंपरी, ता. २६ : पाली मराठी भाषेचे पहिले शब्दकोशकार बाबा भारती यांच्या जन्मशताब्दीनिमित्त लोकशिक्षक बाबा भारती प्रतिष्ठान (पिंपरी-चिंचवड) आणि संत ज्ञानेश्वर शिक्षण संस्था इस्लामपूर यांच्यातर्फे शनिवारी (ता. २८) पहिले पाली-मराठी साहित्य संमेलन आष्टा (ता. वाळवा, जि. सांगली) येथे होणार आहे, अशी माहिती प्रतिष्ठानचे अध्यक्ष महेंद्र भारती यांनी दिली.
अण्णासाहेब डांगे अभियांत्रिकी महाविद्यालयात होणाऱ्या संमेलनाचे उद्‍घाटन ९८ व्या अखिल भारतीय साहित्य संमेलनाच्या अध्यक्षा डॉ. तारा भवाळकर यांच्या हस्ते होईल. संमेलनाध्यक्ष डॉ. श्रीपाल सबनीस असून, माजी मंत्री अण्णासाहेब डांगे स्वागताध्यक्ष आहेत. प्रा. डॉ. विठ्ठल वाघ यांच्या अध्यक्षतेखाली कविसंमेलन, विविध पुरस्कारांचे वितरण, भारती यांची ‘आयुष्याची वाट तुडवताना’ विषयावर मुलाखत आणि ‘पाली भाषा : संकल्पना व स्वरूप’ विषयावर परिसंवाद असे कार्यक्रम होतील.
-------------------------