पिंपरी, ता. ३० ः श्रीमती गेंदीबाई ताराचंद चोपडा हायस्कूलमध्ये सन २०११-१२ च्या दहावीच्या बॅचचा माजी विद्यार्थी मेळावा उत्साहात झाला. कार्यक्रमाची सुरवात गुरुजनांचे औक्षण व सरस्वती पूजनाने झाली. प्राचार्य विक्रम काळे यांच्या हस्ते सरस्वती पूजन झाले. विद्यार्थ्यांनी सर्व शिक्षकांना भेटवस्तू देऊन शिक्षकांप्रती कृतज्ञता व्यक्त केली. विद्यार्थ्यांनी आपल्या मनोगतातून जुन्या आठवणींना उजाळा दिला.
प्राचार्य विक्रम काळे यांनी आजपर्यंतच्या शाळेच्या प्रगतीचा आलेख विद्यार्थ्यांसमोर मांडून उपस्थित विद्यार्थ्यांना भविष्यातील वाटचालीसाठी शुभेच्छा दिल्या. अंकुश खामगळ, सुभाष देवकाते, संतोष सुरवसे, उमाकांत काळे, गजानन हरिदास, श्रीकांत पाटील, बबन नाळे, गोरक्ष आगळे, सीमा जंगले, सुवर्णा सोनवणे, शमा शिकलगार, विजया गडचे, उज्वला कोळपकर, मनिषा लोखंडे, नीता कटारिया आदी उपस्थित होते. माजी विद्यार्थ्यांनी आपल्या शाळेसाठी उत्कृष्ट साउंड सिस्टिम भेट दिली. ॲड. गीतांजली कांबळे यांनी सूत्रसंचालन केले. कार्यक्रमासाठी विद्यार्थी भरत मांडोळे, अल्तमस शेख, फुरकान मुजावर, विष्णू निलंगे यांनी पुढाकार घेऊन कार्यक्रम यशस्वी केला.