पिंपरी, ता. १ : सद्‌गुरु श्री वामनराव पै प्रणीत जीवनविद्या मिशन संस्थेच्या पिंपरी ज्ञानसाधना केंद्राचा फाउंडेशन अभ्यासक्रम पिंपरीतील आचार्य अत्रे रंगमंदिर येथे नुकताच पार पडला. या मध्ये तन, मन, धन या विषयांवर जीवनविद्या तत्वज्ञानाची सखोल माहिती देण्यात आली. या अभ्यासक्रमात दर्शन राणे व सुनंदा माने यांनी सहभागींना मार्गदर्शन केले. यावेळी शाखेतील संजय भगत, अमर गवाडे, कृष्णा मोरे, प्राजक्ता कासार, ज्ञानेश कुडपकर, प्रफुल्ल टेकडे सहभागी झाले होते.