सोमाटणे, ता. ३० : घोरावडेश्वर देवस्थान व आकुर्डी येथील डॉ. डी. वाय. पाटील महाविद्यालयाच्या विद्यार्थ्यांच्या वतीने घोरावडेश्वर डोंगरावर लावलेली ३०० झाडे जगवण्यात यश आले आहे.
महाविद्यालयाच्या राष्ट्रीय सेवा योजनेच्या विद्यार्थ्यांच्या वतीने ‘हरित घोरावडेश्वर’ हा संकल्प विचारात घेऊन २६ ऑगस्ट २०१९ रोजी १०१ झाडे लावली. त्यानंतर २०२ अशी ३०३ औषधी वनस्पती, अजान वृक्ष, रुद्राक्ष, बेल, देवचाफा आदी प्रकारची झाडे लावण्यात आली होती. डोंगरावरील जागा ही उताराची, मुरमाड आणि कमी मातीची तसेच अपुऱ्या पाण्याची आहे. त्यामुळे उन्हाळ्यात झाडे जगवणे कठीण होते. यावर विद्यार्थी व घोरावडेश्वर देवस्थानाने गेल्या पाच वर्षांत पाण्याचे नियोजन केले. उन्हाळ्यात प्रत्येक झाडांना त्यांच्या गरजेप्रमाणे पाणी दिले व उन्हापासून संरक्षणासाठी प्लॉस्टिकचे आवरण लावले. यामुळे गेल्या पाच वर्षांत झाडांना संरक्षण मिळाले. त्यामुळे त्यांची चांगली वाढ झाली आहे. त्यामुळे ती जगण्यास सक्षम झाली आहेत. आता पाऊस चांगला झाला असल्याने झाडे बहरली आहेत.

PNE25V35712