मोटारीच्या धडकेत बालिकेचा मृत्यू
पिंपरी : भरधाव मोटारीने दिलेल्या धडकेत साडेतीन वर्षीय बालिकेचा मृत्यू झाला. ताथवडेमधील एडन गार्डन सोसायटीच्या प्रवेशद्वारावर ही दुर्घटना घडली. शिवानी जगन दाभाडे असे मृत बालिकेचे नाव आहे. याप्रकरणी तिचे वडील जगन वामन दाभाडे (रा. ताथवडे) यांनी हिंजवडी पोलिस ठाण्यात फिर्याद दिली. त्यानुसार पोलिसांनी अक्षय शांताराम चौधरी (वय २८, रा. दत्तमंदिर रस्ता, वाकड) याच्यावर गुन्हा दाखल केला.
----------------
जुगार प्रकरणी तिघांवर गुन्हा
पिंपरी : महाळुंगे एमआयडीसी पोलिसांनी जुगार प्रकरणी तिघांवर गुन्हा दाखल केला. कुरुळीतील डी. के. चौकाजवळ ही कारवाई करण्यात आली. जुगार चालविणारा हनुमंत विठ्ठल सूर्यवंशी (वय २१, रा. चक्रपाणी वसाहत, भोसरी), मारुती शंकर पिटाळे (वय ५२, रा. वराळे), लालासाहेब दशरथ उपाळे (वय ३४, रा. बोराटे वस्ती, मोशी) अशी आरोपींची नावे आहेत. या कारवाईत पोलिसांनी दोन हजार सातशे रुपयांचा मुद्देमाल जप्त केला.
----------------