पिंपरी, ता. ४ : क्रांतिसिंह नाना पाटील यांच्या जयंतीनिमित्त त्यांच्या प्रतिमेस महापालिकेतर्फे विशेष अधिकारी किरण गायकवाड यांनी पुष्पहार अर्पण करून अभिवादन केले. स्वातंत्र्यपूर्व काळात प्रतिसरकारच्या माध्यमातून नागरिकांसाठी स्वस्तात अन्नधान्य पुरवठा, लोक न्यायालय, बाजार व्यवस्था तसेच युद्ध शाळा सुरू करणारे; देशप्रेमी युवकांना युद्ध कलेचे प्रशिक्षण देणारे अशी नाना पाटील यांची ख्याती होती. या अभिवादन कार्यक्रमावेळी जनता संपर्क अधिकारी प्रफुल्ल पुराणिक, बाबुराव कायंदे, मुकेश जगताप, नीलेश टिळेकर आदी उपस्थित होते.