पवनानगर - पिंपरी-चिंचवड व मावळ तालुक्यासह अनेक भागांची तहान भागवणाऱ्या पवना धरणात २३.६२ टक्के इतका पाणीसाठा शिल्लक आहे. पावसाने जरी ओढ दिली तरी जुलै अखेरपर्यंत पाणी पुरेल, अशी माहिती पवना धरणाचे शाखा अभियंता समीर मोरे यांनी दिली.
मावळसह पिंपरी-चिंचवड शहराचा पाण्याचा मुख्य स्रोत म्हणून पवना धरणाकडे पाहिले जाते. धरणाची पाणी साठवण क्षमता ८.१ टीएमसी आहे. आज अखेर पवना धरणामध्ये २३.६२% इतका पाणीसाठा शिल्लक आहे. मागील वर्षी आज अखेर धरणामध्ये २५ % इतका पाणीसाठा शिल्लक होता. मागील वर्षीच्या तुलनेत या वर्षी पवना धरणात २ टक्क्यांनी पाणीसाठा कमी आहे.
पवना धरणाची पाणी पातळी ६०२.२२ मीटर असून, धरणामध्ये एकूण साठा ८८.०६ मीटर एवढा आहे. तर उपयुक्त पाणीसाठा ५६.९१ फूट इतका आहे. हा पाणीसाठा जुलै अखेरपर्यंत पुरेल. मात्र, पावसाने ओढ दिल्यास पाणीटंचाई जाणवू शकते, अशी माहिती पवना धरण पाटबंधारे विभागाने दिली आहे.
मागील पाच वर्षांची जून महिन्यातील टक्केवारी
जून २०२२ - २४.९८ टक्के
जून २०२१ - ३१.०९ टक्के
जून २०२० - ३४.३२ टक्के
जून २०१९ - १९.४५ टक्के
जून २०१८ - २५.५८ टक्के
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.