आकुर्डी, ता. ९ : गुलमोहर पार्क गुरुद्वारा, वाल्हेकरवाडी आणि आकुर्डी परिसरातील नागरिकांच्या तक्रारींनंतर अखेर महापालिका प्रशासनाने तत्परतेने कारवाई करत रस्त्यांवर लटकणाऱ्या झाडांच्या फांद्या छाटल्या. या फांद्यांमुळे गेल्या काही दिवसांपासून रस्त्यावरील पथदिवे झाकले गेले होते. नागरिकांना रात्रीच्यावेळी प्रवास करताना अडचणींचा सामना करावा लागत होता.
स्थानिक रहिवासी बाबू बळी म्हणाले, ‘‘रात्रीच्यावेळी संपूर्ण रस्ता अंधारात झाकला जायचा. शाळा-महाविद्यालयांना जाणाऱ्या विद्यार्थ्यांना आणि महिलांना भीती वाटायची. आम्ही अनेक वेळा तक्रार केली होती. अखेर प्रशासनाने ऐकले आणि समस्या सोडवली. झाडांच्या फांद्या छाटून रस्ता पुन्हा प्रकाशमान केला. त्यामुळे परिसरात सुरक्षेची भावना निर्माण झाली आहे.