काळेवाडी, ता.१० : मागील चार ते पाच दिवसांपासून काळेवाडी येथील मुख्य बीआरटीएस रस्त्यावर छत्रपती शिवाजी महाराज चौक ते तापकीर चौकापर्यंतच्या रस्त्यावरील गटारांमधून मैलापाणी पदपथ व रस्त्यावर येत असून त्याने नागरिकांचे आरोग्य धोक्यात आले आहे.
मुख्य रस्त्यावरील अमरदीप कॉलनी जवळील मुख्य पदपथावर गेल्या पाच ते सहा दिवसांपासून गटार तुंबत आहे. त्यामधून सतत दूषित व घाण पाणी रस्त्यावर उघड्यावर वाहत आहे. त्याचा पादचारी व रहिवाशांना याचा मोठ्या प्रमाणावर त्रास होत आहे. या ठिकाणी रस्त्याच्या पलीकडे शाळा, मॉल असून एका बाजूला भाजी विक्रेते व इतर व्यावसायिक व्यवसाय करतात. सायंकाळी - सकाळी महिला व शाळेत जाणाऱ्या मुलांची मोठ्या प्रमाणावर गर्दी दिसून येते.
गटात तुंबल्याची तक्रार अजून प्राप्त झाली नसल्याने तेथे काम करण्यात आले नाही. तरी तत्काळ माणसे पाठवून समस्या दूर करण्याचा प्रयत्न केला जाईल.
- दिनेश वाघमारे, पर्यवेक्षक, जलनिस्सारण विभाग, ‘ग’ क्षेत्रीय कार्यालय