तळेगाव दाभाडे, ता. ४ ः नगरपरिषद हद्दीमधील रहिवाशांना कोणतीही कल्पना न देता वाढीव कर आकारणी केली. ती त्वरित रद्द करावी अशी मागणी माजी नगरसेवक अरूण माने यांनी केली आहे. 

तळेगाव दाभाडे नगर परिषदचे मुख्याधिकारी एन. के. पाटील यांना दिलेल्या लेखी निवेदनात म्हटले आहे की, तळेगाव दाभाडे  हद्दीमधील रहिवाशांना नगर परिषदेमार्फत कोणतीही सूचना न देता वार्षिक चतुर्थ श्रेणी कर आकारणी केलेली असून यामध्ये दहा टक्के वाढ केली आहे. मात्र, ती दहा टक्के वाढ फक्त कागदावरती दाखवण्यापुरती असून काही ठिकाणी भरमसाठ टॅक्स येत आहे. काही ठिकाणी भाडेकरू नसताना देखील त्या ठिकाणी भाडेकरूंची नोंद झाली आहे. तिथे भाडेकरूचा टॅक्स लावला जात आहे. त्यामुळे आपण केलेली ही वाढीव कर आकारणी रद्द करावी असे आपणाला विनंती करत आहे.