तळेगाव दाभाडे, ता. ७ ः सर्वोच्च न्यायालयाचे सरन्यायाधीश भूषण गवई यांच्या अपमानाचा फुले शाहू आंबेडकर प्रतिष्ठानने तीव्र निषेध केला आहे.
सहा ऑक्टोबर रोजी एका सनातनी विचारसरणीच्या वकिलाने न्यायालयात सरन्यायाधीशांवर बूट फेकून अपमान केला. या प्रकारामुळे केवळ भूषण गवई यांचा नव्हे, तर देशाच्या सर्वोच्च न्यायव्यवस्थेचा आणि सरन्यायाधीश पदाचा अपमान झाला आहे, असे मत प्रतिष्ठानने व्यक्त केले. या घटनेच्या निषेधार्थ फुले शाहू आंबेडकर प्रतिष्ठानच्या वतीने वडगाव मावळ तहसीलदारांना निवेदन देण्यात आले. या निवेदनाद्वारे संबंधित वकिलावर कठोर कारवाई करण्याची मागणी करण्यात आली आहे. निवेदन देताना प्रतिष्ठानचे सचिव जयंत कदम, अरुण माने, विजय गरुड, विजय आगळे व प्रमोद गरुड उपस्थित होते.