तळेगाव दाभाडे, ता. २ : विठ्ठल मंदिर संस्थानच्या वतीने कार्तिक एकादशीनिमित्त आरोग्य तपासणी शिबिराचे आयोजन करण्यात आले होते. यावेळी रक्तदाब, नाडी, तापमान, ऑक्सिजन प्रमाण, वजन, अॅनिमिया व पोषण तपासणी, मधुमेह व उच्च रक्तदाब सल्ला, ताप, खोकला, पोटदुखी यांसंबंधी आरोग्य सल्ले तसेच ज्येष्ठ नागरिकांसाठी सांधेदुखी, रक्तदाब, मधुमेह तपासणी व फिजिओथेरपीविषयक तपासणी करण्यात आली.
आरोग्य शिबिरामध्ये डॉ. साक्षी गुट्टे, डॉ. ओंकार गुट्टे, डॉ. हर्षल चव्हाण, डॉ. अजय कांडे आणि डॉ. रुत्विक यांनी नागरिकांना वैद्यकीय तपासणी करून आवश्यक सल्ला व मार्गदर्शन केले. यावेळी विठ्ठल मंदिर संस्थानचे विश्वस्त बाळा भेगडे, शिक्षण मंडळाचे माजी सभापती प्रकाश ओसवाल आणि सामाजिक कार्यकर्ते अजय भेगडे उपस्थित होते.
या शिबिराचे आयोजन विश्वस्त बाळकृष्ण आरडे महाराज, यतीन शहा, विलास गायकवाड, शेखर गुंड, मुरलीधर ढेकणे, प्रशांत दाभाडे, श्याम भेगडे, नारायण धामणकर, सोनबा गोपाळे गुरुजी, निशा शेळके यांनी केले होते.