तळेगाव दाभाडे, ता. ९ : शहराला पाणीपुरवठा करणाऱ्या मुख्य वाहिनीला सोमाटणे गाव परिसरात गळती लागली आहे. तिच्या दुरुस्तीचे काम हाती घेण्यात आले आहे. त्यामुळे सोमवारी (ता.१०) दिवसभर तळेगाव दाभाडे शहरातील गाव भाग, वडगाव फाटा ते जनरल हॉस्पिटल या परिसरांत पाणीपुरवठा बंद राहणार आहे. य परिस्थितीमुळे ‘‘नागरिकांनी पाणी जपून वापरावे. दुरुस्तीचे काम पूर्ण होताच पाणीपुरवठा सुरळीत करण्यात येईल,’’ अशी माहिती नगर परिषदेचे मुख्याधिकारी गिरीश दापकेकर यांनी दिली आहे.