तळेगाव दाभाडे, ता. १४ ः उर्से गावात चॉकलेटच्या आमिषाने अपहरण करून पाच वर्षीय मुलीचा अत्याचार करून गळा दाबून निघृण खून करण्यात आला. पोलिसांनी याप्रकरणी मूळच्या झारखंडमधील तरुणाला अटक केली आहे.
समीर कुमार मंडल (वय ३०) असे आरोपीचे आहे. शनिवारी सायंकाळी सुमारे सहा वाजण्याच्या सुमारास चिमुकली घरातून अचानक बेपत्ता झाली. तिची आई रात्री उशिरा कामावरून घरी परतली. मुलगी घरी नसल्याचे लक्षात येताच कुटुंबीयांनी शोधाशोध सुरू केली. मुलीचे वडील कामानिमित्त पुण्यात होते, तर आई जवळच्या कंपनीत काम करते. त्यामुळे चिमुकली काही वेळ घरात एकटीच होती. या परिस्थितीचा गैरफायदा घेत आरोपीने मुलीला घरापासून काही अंतरावर मुलीला नेले. त्यानंतर त्याने अत्याचार करून खून हत्या केला.
घटनास्थळी सहाय्यक पोलिस आयुक्त बाबासाहेब कोपनर, पोलिस निरीक्षक विशाल पाटील यांनी भेट दिली. त्यानंतर रात्री उशिरा तक्रार दाखल करण्यात आली. त्यानुसार सहाय्यक पोलिस आयुक्त बाळासाहेब कोपनर, पोलिस निरीक्षक विशाल पाटील व अन्य पोलिस अधिकाऱ्यांनी तातडीने तपास सुरू केला. तांत्रिक विश्लेषण, सीसीटीव्ही फुटेज आणि स्थानिक माहितीच्या आधारे काही तासांतच आरोपीला अटक करण्यात पोलिसांना यश आले.
---
नागरिक संतप्त
या अमानुष घटनेनंतर उर्से गावासह संपूर्ण मावळ तालुक्यातील नागरिक हादरले आहेत. तालुक्यात तीव्र संतापाची लाट उसळली आहे. आरोपीवर कठोरात कठोर कारवाई करण्यात यावी, अशी मागणी नागरिकांनी केली.
-----