तळेगाव स्टेशन, ता. १३ : नुकत्याच पार पडलेल्या गणेशोत्सवानिमित्त सरसेनापती उमाबाई दाभाडे सेवा प्रतिष्ठानतर्फे देण्यात येणाऱ्या मंगलमूर्ती अवॉर्डचे उद्या रविवारी (ता. १४) तळेगावात वितरण होणार आहे. स्टेशन रस्त्यावरील ईशा हॉटेलमध्ये सायंकाळी सहा वाजता होणाऱ्या कार्यक्रमास मावळचे आमदार सुनील शेळके, पुण्यातील श्रीमंत दगडूशेठ हलवाई ट्रस्टचे अध्यक्ष सुनील रासने, ज्येष्ठ नेते माऊली दाभाडे प्रमुख पाहुणे म्हणून उपस्थित राहणार आहेत. उत्कृष्ट मूर्तिकार, गो. नि. दांडेकर पुरस्कार, लोकमान्य टिळक पुरस्कार आणि उत्कृष्ट ढोल ताशा पथक या पुरस्कारांसह इतरही बक्षिसांचे वितरण होईल, अशी माहिती प्रतिष्ठानचे अध्यक्ष संतोष दाभाडे पाटील यांनी दिली.
-----