वडगाव मावळ, ता.२२ : पावसामुळे मावळ तालुक्यातील साते येथे गोठा ढासळून एक बैल जखमी झाला. गोठ्यातील इतर जनावरांना सुरक्षित बाहेर काढण्यात आले.
गेल्या काही दिवसांपासून जोरदार पाऊस सुरू आहे. त्यामुळे शुक्रवारी पहाटे दुग्ध व्यावसायिक पोपट शेळके यांचा जनावरांचा गोठा ढासळला व नुकसान झाले. जखमी बैलासह गोठ्यात असणाऱ्या म्हशी आणि बैल मिळून पाच जनावरांना बाहेर काढण्यात आले. तलाठी रामजी बच्चेवडे व कृषी सहायक गडद यांना घटनेची माहिती देण्यात आली आहे. या नुकसानीचा पंचनामा करून भरपाई मिळावी अशी मागणी शेतकऱ्याने केली आहे.