वडगाव मावळ, ता. ३० : हिरकणी मावळ महिला नागरी सहकारी पतसंस्थेच्या वतीने वर्धापन दिनानिमित्त गुणवंतांचा सन्मान करण्यात आला. पतसंस्थेच्या अध्यक्षा मीनाक्षी तिकोणे यांच्या अध्यक्षतेखाली झालेल्या सभेला ज्ञानेश्वर दळवी, भास्कर भेगडे, गणपत निंबळे, प्रदीप शिंदे, ॲड. महेंद्र खरात आदी उपस्थित होते. सभेत आदर्श माता, वैद्यकीय सेवा देणाऱ्या महिला, उत्कृष्ट बचत गट अध्यक्ष, स्वच्छता कामगार, दैनंदिन प्रतिनिधी आदींचा सन्मान करण्यात आला. अध्यक्षा तिकोणे यांनी संस्थेच्या प्रगतीचा आढावा घेतला. भक्ती फडके यांनी अहवाल वाचन केले. भास्कर भेगडे यांनी सहकार विषयावर मार्गदर्शन केले. महेंद्र खरात यांनी सभासदांचा सहभाग, कर्तव्ये आणि क्रियाशील सभासदांची जबाबदारी या विषयावर मार्गदर्शन केले. विद्या तिकोणे यांनी सूत्रसंचालन केले. वैष्णवी दळवी यांनी आभार मानले. उपाध्यक्ष उज्ज्वला दळवी, मीनाक्षी भेगडे, संगीता नाईकरे, मानसी गुप्ते, नंदा दाभाडे, राजश्री नाईकरे, मंगल घोडके, सुरेखा पलंगे आदींनी संयोजन केले.
---