वडगाव मावळ, ता. ५ : मावळ तालुका जुनी पेन्शन हक्क संघटनेचे माजी अध्यक्ष प्रकाश सातपुते यांची पुणे जिल्हा प्राथमिक शिक्षक संघाच्या सहसचिवपदी नियुक्ती करण्यात आली. संघटनेचे नेते संदीप औटी यांच्या हस्ते त्यांना नियुक्तीचे पत्र देण्यात आले. पुणे जिल्हा प्राथमिक शिक्षक संघाचे अध्यक्ष नारायण कांबळे, तालुकाध्यक्ष नारायण गायकवाड, संघाच्या नेत्या सुरेखा सोनावणे, माजी सरचिटणीस अण्णासाहेब ओहोळ, माजी सरचिटणीस दत्तात्रय भालेराव, सुरेश गुळवे, गणपत कदम, दिलीप भोरकडे, अमोल मेहकर, हिरामण साबळे आदी उपस्थित होते. संघाचे जिल्हाध्यक्ष नारायण कांबळे यांनी संघटनेच्या राज्य, जिल्हा व तालुकास्तरावर चालू असलेल्या कामाचा आढावा घेतला.
---