वडगाव मावळ, ता. १२ : मावळ तालुक्यातील साते येथील नवजीवन नागरी सहकारी पतसंस्थेच्या वतीने १२व्या वर्धापनदिनानिमित्त वडगाव येथील कै. गोपाळराव देशपांडे वनवासी विद्यार्थी वसतिगृहातील सर्व आदिवासी आणि निराधार मुलांना ब्लँकेट, कानटोपी आणि खाऊचे वाटप करण्यात आले.
वसतिगृहात आयोजित कार्यक्रमाला पतसंस्थेचे संस्थापक मारुती आगळमे, अध्यक्ष उमेश शिंदे, खजिनदार आशिष शिंदे, संचालक सिद्धार्थ मोरे आदी उपस्थित होते. वसतिगृहाचे व्यवस्थापक सोमनाथ वैद्य यांनी आभार मानले.