वाकड, ता. २६ : समाजातील अवास्तव परंपरा आणि विवाह सोहळ्यांची पुढील काळासाठी धोरणांची निश्चिती यावर थेरगाव येथील संयुक्त बैठकीत सखोल विचार मंथन व उहापोह झाला.
थेरगाव येथील मोरया पॅलेसमध्ये सकल मराठा व बहुजन समाज पिंपरी चिंचवड यांची संयुक्त बैठक झाली. त्यामध्ये पिंपरी चिंचवड शहरासह मावळ, मुळशी तालुक्यातील सर्व समाज बांधव उपस्थित होते. या सभेमध्ये युवक - युवती व ज्येष्ठ नागरिकांना सहभागी करून घेऊन मार्गदर्शन मेळावा आयोजित करणे, भविष्यातील गोरगरीब कुटुंबांच्या मागे खंबीरपणे उभा राहावे, एकमेकांना सहकार्य करणे अशा काही सूचनाही यावेळी मांडण्यात आल्या. या सूचनांची विचारपूर्वक अंमलबजावणी करण्यात येणार आहे.