वाकड, ता. ३ : ताथवडे येथील मेट्रोलाइफ मॅक्सिमा सोसायटीतर्फे रक्तदान शिबिर घेण्यात आले. त्यास सोसायटीच्या सदस्यांनी उल्लेखनीय प्रतिसाद दिला. यात महिला आणि युवकांचे प्रमाण जास्त होते. या शिबिरातून ५१ बाटल्या रक्त संकलित करण्यात आले. किशोर पाटील यांनी या उपक्रमासाठी पुढाकार घेतला. शहरातील रक्तपेढ्यांमध्ये सध्या फार कमी रक्तसाठा शिल्लक आहे. त्यामुळे रक्तदान शिबिर आयोजित करण्यात आले. ‘रक्तदान श्रेष्ठ दान’ हा संदेश शिबिरातून देण्यात आला.
----