पिंपरी : मोबाईल, लॅपटॉप चोरणाऱ्या दोन सराईत चोरट्यांना गुन्हे शाखा युनीट दोनच्या पथकाने जेरबंद केले. या कारवाईत चोरीचे बारा मोबाईल पोलिसांनी जप्त केले आहेत.
हे ही वाचा : भोसरी येथे घडली घटना
आयुब चमन खान (वय 22), इमतेज मुस्ताक शेख (वय 24, दोघेही रा. ओटास्कीम, निगडी) अशी आरोपींची नावे आहेत. तीन ऑक्टोबरला सायंकाळी सव्वा सातच्या सुमारास प्रदीपकुमार श्रीरतनलाल गोयल हे निगडीतील ट्रान्सपोर्टनगर येथील पीएमपीएमएल आगारासमोरून लॅपटॉपच्या बॅगेसह पायी जात होते. त्यावेळी दुचाकीवरून आलेले दोघेजण त्यांच्याकडील लॅपटॉपसह मोबाईल हिसकावून पसार झाले. याबाबत निगडी पोलिस ठाण्यात गुन्हा दाखल होता.
दरम्यान, गुन्हे शाखा युनिट दोनच्या पथकाला मिळालेल्या माहितीनुसार पथकाने ओटास्कीम येथे सापळा रचून खान व शेख यांना ताब्यात घेतले. त्यांच्या दुचाकीच्या डिक्कीची तपासणी केली असता, त्यामध्ये बारा महागडे मोबाईल व लॅपटॉपचे तुकडे सापडले. अधिक चौकशी केली असता त्यांचा साथीदार मनोज जाधव याच्यासह शहरात जबरी चोरीचे गुन्हे केल्याची कबुली त्यांनी दिली.
कारागृहातून सुटला होता पॅरोलवर
इमतेज शेख याच्यावर खुनाचे दोन गुन्हे दाखल असून सध्या तो कारागृहातून पॅरोलवर सुटला आहे. आयुब खान हा हिंजवडी पोलिस ठाण्यात दाखल असलेल्या एका गुन्ह्यात फरारी होता. या आरोपींकडून एक लाख 38 हजार 500 रूपयांचा मुद्देमाल जप्त केला असून ट्रान्सपोर्टनगर येथे घडलेल्या गुन्ह्यात अटक करण्यात आली आहे.
संपादन - सुस्मिता वडतिले
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.